Փարավանիի լեռնանցքում տրանսպորտային միջոցների երթեւեկությունն արգելված է
Բարդ օդերևութաբանական պայմանների պատճառով (բուք, սահմանափակ տեսանելիություն) ներքին պետական նշանակության Կոդա-Փարցխիսի-Մանգլիսի-Ծալկա-Նինոծմինդա ավտոճանապարհի կմ94-կմ110 հատվածում ժամանակավորապես սահմանափակվել է բոլոր տեսակի ավտոմեքենաների տեղաշարժը:
Այս մասին տեղեկություն է տարածում Վրաստանի տարածաշրջանային զարգացման և ենթակառուցվածքների նախարարության ճանապարհային դեպարտամենտը։
Ըստ նրանց՝ նույն ավտոճանապարհի կմ111-կմ146 (Փարավանի-Նինոծմինդա) հատվածում ժամանակավորապես սահմանափակված է կցորդիչով և կիսակցորդիչով ավտոմեքենաների տեղաշարժը։
«Մյուս տեսակի ավտոտրանսպորտային միջոցների տեղաշարժն ազատ է: Ավտոճանապարհի կմ1-կմ93 հատվածում ճանապարհային երթեւեկությունն ազատ է»,- նշվում է տեղեկատվության մեջ։