Կարևոր է, որ ԱՄՆ-ում իմանան, որ Վրաստանում կան քաղաքական ուժեր, որոնք ունակ են երկիրը դուրս բերել ճգնաժամից և իրականացնել հիմնարար ժողովրդավարական բարեփոխումներ,- այս մասին հայտարարել է «Ազգային շարժման» գլխավոր քարտուղար Պետրե Ցիսկարիշվիլին։

Ցիսկարիշվիլիի խոսքով՝ Վրաստանը պետք է վերադառնա ԱՄՆ-ի հետ տասնամյակներ շարունակ գոյություն ունեցող ռազմավարական գործընկերությանը։

«Կարևոր է, որ Միացյալ Նահանգներում մեր ընկերներն ու գործընկերները իմանան, որ Վրաստանում կան քաղաքական ուժեր, որոնք ունակ են երկիրը դուրս բերել ճգնաժամից, որի մեջ, ցավոք, «Վրացական երազանքը» նրան խրել է։ Այն նաև կկարողանա իրականացնել հիմնարար ժողովրդավարական իրավունքները և արժեքային համակարգով Վրաստանը համապատասխանեցնել Եվրոպային և Ամերիկային։ Բացի այդ, ինչը մեզ համար Վաշինգտոնում ոչ պակաս կարևոր է, Վրաստանը պետք է վերադառնա Միացյալ Նահանգների հետ քաղաքական ռազմավարական գործընկերությանը, որը մեր երկու երկրներն ունեցել են տասնամյակներ շարունակ», – ասել է Պետրե Ցիսկարիշվիլին։

«Ազգային շարժման» մամուլի ծառայության հաղորդմամբ՝ այսօր «Միացյալ ազգային շարժման» պատվիրակությունը սկսել է պաշտոնական հանդիպումները ԱՄՆ կատարած այցի շրջանակներում: Նրանց խոսքով՝ «Ազգային շարժման» նախագահ Թինա Բոկուչավան կուսակցության անդամների հետ միասին հանդիպել է «Բարեկամ ակտի» նախաձեռնող կոնգրեսական Ջո Ուիլսոնի հետ։