Պետք է ավելի կառուցողական ուժեր գտնել խորհրդարանում և օգտագործել նրանց մանդատը, պարզապես դրսում բողոքելն ու գոռալը, իմ կարծիքով, ոչինչ չի բերում,- այս մասին Եվրախորհրդարանի պատգամավորների մասնակցությամբ վեբինարի ժամանակ, հայտարարել է Եվրախորհրդարանի պատգամավոր Վիոլա Ֆոն Կրամոնը:

«Մենք շատ ենք փորձել վերջապես սկսել միջխորհրդարանական երկխոսությունը և օգտագործել բոլոր այն գործիքները, որոնք ունեն եվրոպացի խորհրդարանականները Վրաստանի նման երկրի համար, քանի որ այն ժողովրդավարության աջակցման առաջատարն է։ Նախապատրաստական ​​հանդիպումներ ունեցանք ինչպես առցանց, այնպես էլ ամառվա ընթացքում։ Իշխող կուսակցության կողմից ապրիլի 19-ի համաձայնագրից դուրս գալու տխուր որոշում կար, բայց, այնուամենայնիվ, հուլիսի վերջին ես փորձեցի զրուցել խորհրդարանականների և տարբեր շահագրգիռ կողմերի հետ՝ դեմ առ դեմ երկխոսության համար։

Կարծում եմ՝ բոլորին շատ էր անհանգստացնում Վրաստանում ստեղծված քաղաքական իրավիճակը, և ոչ ոք պատկերացում չուներ, թե ինչպես դուրս գալ դրանից։ Ինձ համար շատ հետաքրքիր էր տեսնել, որ խորհրդարանում կա մի խումբ, որն իրականում աշխատում է այս հայեցակարգի, ինչպես նաև մոտեցումների վրա, բայց այն լավ չընդունվեց ոչ լրատվամիջոցների, ոչ ընտրողների և ոչ էլ հանրության կողմից: Այնպես որ, իմ համար խնդրի մի մասն այն է, այդ թվում լրատվամիջոցների, որ նրանք պետք է ավելի ուշադիր նայեն մանրամասներին, խորհրդարանական գործունեությանը, թե ով է կատարում հանձնարարված պարտականությունները: Ես անհատապես խոսել եմ օրենսդիրների, Գախարիայի խմբի, Հանրապետական ​​կուսակցության և մյուսների հետ, ովքեր ստորագրել են համաձայնագիրը: Նրանք պատրաստ էին գնալ փոխզիջումների և աշխատել ապաբևեռացման վրա, սակայն լրատվամիջոցները դա լավ չհասկացան։ Վերջին ընտրությունների ժամանակ, և ոչ միայն ավելի լայն քաղաքական զարգացման առումով, կարծում եմ, որ շատ դժվար էր տեսնել այս կառուցողական ուժերին և կառուցողական մոտեցումը», – ասել է Վիոլա Ֆոն Կրամոնը։

Նրա խոսքով, կարևոր է հաշվի առնել իշխող կուսակցության կողմից ատելության խոսքի և վարչական ռեսուրսի չարաշահման հետևանքները։

«Ինչ վերաբերում է իշխող կուսակցությանը, կարծում եմ, մի կողմից մեզ անհրաժեշտ է նրանց գործընկերությունը խորհրդարանում, բայց պետք է հաշվի առնել իշխանության հռետորաբանության և վարչական ռեսուրսի չարաշահման հետևանքները: Ես զգուշացրել եմ իշխող կուսակցության անդամներին, որ չնայած դեպի Եվրամիություն ձգտումներին, նրանք այժմ ավելի հեռու են, քան երբևէ անդամակցության առումով: Եվրամիության Ասոցացման համաձայնագիրը, ինչպես նշեց պարոն դեսպանը, քաղաքական շրջանակ է, որը չի իրականացվել։ Մենք շատ հեռու ենք դատաիրավական բարեփոխումների, ինչպես նաև այլ բարեփոխումների առումով։ Ամենօրյա կտրվածքով նրանք ազատվում են այդ պարտավորությունից։ Դա նաև ֆինանսական պատասխանատվություն է, և մեզ համար անընդունելի է, որ հարկատուների գումարները ծախսվում են և իրականում այդ պարտավորությունները չեն կատարվում ոչ միայն ժողովրդավարական բարեփոխումների, այլ նաև քաղաքացիների համար։ Սա բարեփոխում չէ Եվրամիության համար, սա բարեփոխում է Վրաստանի քաղաքացիների համար։ Այս հակաեվրոպական հռետորաբանությունը շատ նյարդայնացնում էր ինձ և տարակուսում։ Ես միշտ կարծել եմ, որ Վրաստանը եվրոպամետ երկիր է, ինձ շատ է նյարդայնացրել նոր տոնը, նոր հռետորաբանությունը, որ մեզ անկյուն են դրել, կարծես թե Վրաստանի շուրջը փաթաթվում ենք այնպիսի բաներով, արժեքներով, որոնք նրանք չեն ցանկանում: Սա իշխող կուսակցությունից լսելով շփոթված էի։ Մյուս կողմից, կարծում եմ, երբ խոսում ենք առաջընթացի մասին, ինչպե՞ս պետք է ձայն տանք պատգամավորներին, որպեսզի այս երկխոսությունը կայանա: Ինչպես պատրաստվել դրան: Հիմա դրա ժամանակը՞ն է, եթե նախ հետաձգենք և սպասենք եվրոպամետ մոտեցմանը իշխող կուսակցության և խորհրդարանի կողմից։ Մենք պետք է ավելի կառուցողական ուժեր գտնենք խորհրդարանում և օգտագործենք նրանց մանդատը, քանի որ դրսում պարզապես բողոքելն ու գոռալը, իմ կարծիքով, ոչինչ չի բերում»,- ասել է Վիոլա Ֆոն Կրամոնը։