Պենտագոնը նախատեսում է Գերմանիայից դուրս բերել 5000 ամերիկացի զինվորների։ Այս մասին հաղորդում է BBC-ն։

Պենտագոնի խոսնակը նշել է, որ հրամանը տվել է պաշտպանության նախարար Փիթ Հեգսեթը, և որ գործընթացը կավարտվի 6-12 ամսվա ընթացքում։

«Այս որոշումը Եվրոպայում մեր ռազմական տեղակայման մանրակրկիտ վերանայման արդյունք է», – ասել է Պենտագոնի խոսնակը։

Ձեր տեղեկության համար, ԱՄՆ նախագահ Դոնալդ Թրամփի և Գերմանիայի կանցլեր Ֆրիդրիխ Մերցի միջև լարվածությունը մեծացել է Իրանի հետ շարունակվող պատերազմի պատճառով։

Գերմանիայի կանցլերը ուսանողների հետ հանդիպման ժամանակ նշել է, որ «ամերիկացիները ռազմավարություն չունեն», ի պատասխան Դոնալդ Թրամփը Ֆրիդրիխ Մերցին անվանել է «սարսափելի» և ասել, որ «ոչինչ չի հասկանում»։

Գերմանիայում ներկայումս ծառայում է ավելի քան 36,000 ամերիկացի զինվոր, որը Եվրոպայում ԱՄՆ ամենամեծ զորակազմն է։