«Ուկրաինան ունի ինքնապաշտպանության լիարժեք իրավունք: Մենք պատրաստ ենք աջակցել Ուկրաինային քաղաքական, տնտեսական, ֆինանսական և ռազմական առումներով»,- ասել է Եվրամիությունում Վրաստանի դեսպան Պավել Հերչինսկին։

Ըստ Հերչինսկու՝ կարևոր է, որ Եվրամիության ղեկավարներն ամեն ինչ անեն Ուկրաինայի հաղթանակի համար։

«Մենք մոտենում ենք Ռուսաստանի՝ Ուկրաինա չգրգռված և չարդարացված ներխուժման երկրորդ տարելիցին։ Մենք՝ որպես ԵՄ, շատ հստակ կողմ ենք բռնել։ Մենք կանգնած ենք Ուկրաինայի թիկունքում. Ուկրաինան ունի ինքնապաշտպանության լիարժեք իրավունք. Որպես Եվրամիություն՝ մենք կոչված ենք օգնելու Ուկրաինային քաղաքական, տնտեսական, ֆինանսական, մարդասիրական օգնության, ինչպես նաև ռազմական առումով։ Ես հպարտ եմ, որ մի քանի շաբաթ առաջ Եվրամիությունը միաձայն որոշեց 50 միլիարդ եվրո ծախսել Ուկրաինայի վերականգնմանն աջակցելու համար։ Սա մեր անսասան աջակցության ևս մեկ պարտավորություն է Ուկրաինային, որն իսկապես բոլորի օգնության կարիքն ունի։ Շատ կարևոր է, որ Եվրամիության առաջնորդները որոշեցին ոչ միայն լինել Ուկրաինայի կողքին այնքան ժամանակ, որքան անհրաժեշտ է, այլ նաև անել այն ամենը, ինչ անհրաժեշտ է Ուկրաինայի հաղթանակի համար»,- ասել է Պավել Հերչինսկին։