Ես մեծ պատիվ ունեմ ներկայացնելու Եվրամիությունը Վրաստանում։ Ես փորձում եմ իմ աշխատանքը հնարավորինս լավ կատարել,- ասաց Վրաստանում ԵՄ դեսպան Պավել Հերչինսկին։

Պավել Հերչինսկուն հարցրին Վրաստանի վարչապետ Իրակլի Կոբախիձեի հայտարարության մասին, որտեղ Կոբախիձեն նշել էր. «Հերչինսկին ողբերգական մարդ է, նա ամեն ինչ արեց Վրաստանի և Եվրամիության միջև հարաբերությունները փչացնելու համար, նրա ղեկավարությամբ անցկացվող միջոցառումը մեծ արժեք չունի»։

Ինչպես ի պատասխան նշեց դիվանագետը, ինքը իրեն վերաբերող հայտարարությունները անձնական չի ընդունում։

«Վրաստանում իմ աշխատանքի առաջին օրվանից իմ քաղաքականությունն է եղել չմեկնաբանել վրացի քաղաքական գործիչների կողմից իմ մասին արված հայտարարությունները։ Ես դա անձնական չեմ ընդունում։ Ես մեծ պատիվ ունեմ ներկայացնելու Եվրամիությունը Վրաստանում։ Ես փորձում եմ իմ աշխատանքը հնարավորինս լավ կատարել», – ասաց Հերչինսկին։