ՊԱԾ – Ռուսաստանի օկուպացիոն ուժերի ներկայացուցիչները Քարելիի մունիցիպալիտետի Դիրբի գյուղի մերձակայքում օկուպացված տարածքում ապօրինաբար առևանգել են Վրաստանի երկու քաղաքացու
Ռուսաստանի օկուպացիոն ուժերի ներկայացուցիչները Քարելիի մունիցիպալիտետի Դիրբի գյուղի մերձակայքում օկուպացված տարածքում ապօրինաբար ձերբակալել են Վրաստանի երկու քաղաքացու։
Այս մասին տեղեկություն է տարածում ՊԱԾ-ը։
«Հերթական ապօրինի ձերբակալման մասին տեղեկություն ստանալով՝ Պետական անվտանգության ծառայությունը ակտիվացրել է ԵՄ դիտորդական առաքելության կողմից գործարկվող թեժ գիծը։ Տեղեկությունն անմիջապես փոխանցվել է Ժնևի միջազգային քննարկումների համանախագահներին և միջազգային գործընկերներին։ Գործարկվել են առկա բոլոր մեխանիզմները՝ ապօրինի ձերբակալված Վրաստանի քաղաքացուն հնարավորինս արագ ազատ արձակելու համար։ Օկուպանտ տերությունը պատասխանատվություն է կրում Վրաստանի օկուպացված տարածքներում, ինչպես նաև օկուպացիոն գծի երկայնքով կատարված բոլոր ավերիչ գործողությունների համար»,- ասվում է հայտարարության մեջ։