Պաշտպանության նախարարությունում տեղի է ունեցել Ջուանշեր Բուրճուլաձեի և Ջեյմս Ափաթուրայի հանդիպումը
Վրաստանի պաշտպանության նախարար Ջուանշեր Բուրճուլաձեն հյուրընկալեց Հարավային Կովկասում և Կենտրոնական Ասիայում ՆԱՏՕ-ի հատուկ ներկայացուցիչ Ջեյմս Ափաթուրային:
Պաշտպանության նախարարության փոխանցմամբ5 հանդիպմանը Ջուանշեր Բուրճուլաձեն շնորհակալություն է հայտնել Ջեյմս Ափաթուրային՝ երկրի ինքնիշխանության, տարածքային ամբողջականության և ՆԱՏՕ-ին ինտեգրվելու ճանապարհին ցուցաբերած անսասան աջակցության համար:
Նախարարն ընդգծել է Ջեյմս Ափաթուրայի սերտ և արդյունավետ համագործակցությունը Վրաստանի պաշտպանության նախարարության հետ ՆԱՏՕ-ի հետ մերձեցման և համատեղելիության բարձրացման գործում՝ ընդգծելով նրա մեծ ներդրումը:
Պաշտպանության նախարարությունում կայացած հանդիպմանը կողմերը քննարկել են այնպիսի կարևոր հարցեր, ինչպիսիք են ՆԱՏՕ-Վրաստան գործնական համագործակցությունը և ապագա հեռանկարները, ՆԱՏՕ-Վրաստան հիմնական փաթեթի (SNGP) նախաձեռնությունների հաջող իրականացումը, Սևծովյան անվտանգության ամրապնդման գործում ՆԱՏՕ-ի ակտիվ ներգրավվածությունը, Վրաստանի պաշտպանության ուժերում ընթացիկ վերափոխումը և առկա անվտանգության միջավայրը:
Ջեյմս Ափաթուրայը բարձր գնահատեց Վրաստանի պաշտպանական բարեփոխումները և Դաշինքի անունից շնորհակալություն հայտնեց մեր երկրին՝ ՆԱՏՕ-ի կողմից ղեկավարվող իր առաքելության շրջանակներում համաշխարհային անվտանգությանը նշանակալի ներդրման համար:
Ջեյմս Ափաթուրայը Հարավային Կովկասում և Կենտրոնական Ասիայում ՆԱՏՕ-ի հատուկ ներկայացուցիչն է 2010 թվականի դեկտեմբերից: Մոտ ապագայում նա կավարտի աշխատանքն այս պաշտոնում և կստանձնի գլխավոր քարտուղարի օգնականի տեղակալի պաշտոնը՝ անվտանգության աճող մարտահրավերների հարցերում:
Հանդիպմանը ներկա էին պաշտպանության նախարարի առաջին տեղակալ Լելա Չիքովանին, ՆԱՏՕ-ում Վրաստանի դեսպան Վիկտոր Դոլիձեն, Վրաստանում ՆԱՏՕ-ի կապի գրասենյակի ղեկավար Ռոզարիա Պուգլիսը և այլ պաշտոնատար անձինք: