Պակիստանում մահապարտ ահաբեկիչը 16 զինվորի է սպանել
Մահապարտ ահաբեկիչը պայթեցրել է իրեն Պակիստանի հյուսիս-արևմուտքում՝ սպանելով 16 զինվորի։
Դոյչե Վելլեն հաղորդում է։
Պակիստանի թալիբները ստանձնել են հարձակման պատասխանատվությունը։
Հարձակման հետևանքով վիրավորվել է 29 մարդ, այդ թվում՝ 10 զինվոր և 19 քաղաքացիական անձ։
«Մահապարտ ահաբեկիչը պայթուցիկներով լի մեքենան մխրճել է ռազմական շարասյան մեջ», – ասել է տեղական ինքնակառավարման մարմնի պաշտոնյան։
Ոստիկանությունը հայտնել է, որ պայթյունի հետևանքով փլուզվել են երկու տների տանիքներ, ինչի հետևանքով վիրավորվել է վեց երեխա։