Կիևի միջազգային մրցաշարի երկրորդ օրը, ազատ և հույն-հռոմեական ոճով ըմբշամարտում կայացել են եզրափակիչ հանդիպումներ 5 քաշային անվանակարգում:

Ազատ ոճով ըմբշամարտիկներից եզրափակիչ բլոկ առաջին օրվա արդյունքներով անցել էր երկու վրաց մարզիկ՝ Թեյմուրազ Վանիաշվիլին (57 կգ.) և Վլադիմեր Խինչեգաշվիլին (65 կգ.): Վանիաշվիլին եզրափակիչ փուլում դիմակայել է Ադրբեջանի դրոշի ներքո ելույթ ունեցող Գիորգի Էդիշերաշվիլիին: Արդյունքում Վանիաշվիլիին չի հաջողվել հաղթահարել Էդիշերաշվիլիի պատնեշը և վաստակել արծաթե մեդալ:

Ինչ վերաբերում է Խինչեգաշվիլիին, ապա նրան հաջողվել է երրորդ տեղի համար պայքարում պարտության մատնել, ՈՒկրաինայի դրոշի ներքո ելույթ ունեցող Գոր Հովհաննիսյանին, դրանով Վլադիմեր Խինչեգաշվիլին վաստակել է իր առաջին միջազգային մեդալը նոր քաշայինում:

Ինչ վերաբերում է հույն-հռոմեական ոճին, ապա այստեղ արդյունքը զգալիորեն աչքի ընկնող են: Առաջին մեդալը 55 կգ. քաշայինում նվաճել է Նուգզար Ծուրծումիան: Այն պատճառով, որ մրցաշարին մասնակցել է 6 մարզիկ, կազմակերպիչները այն անց են կացրել շրջանային համակարգով, արդյունքում Ծուրծումիան նվաճել է արծաթե մեդալ:

Ցավոք արծաթե մեդալի է արժանացել նաև Եվրոպայի երկակի չեմպիոն Զուրաբ Դաթունաշվիլին: Նա 82 կգ. քաշայինում եզրափակիչ հանդիպմանը լարված պայքարում պարտվել է ադրբեջանցի Ռաֆիգ Հուսեինովի մոտ:

Առաջին ոսկե մեդալը Վրաստանի հավաքականին բերել է Շմագի Բոլքվաձեն: 72 կգ. քաշայինում նա 7:5 հաշվով պարտության է մատնել ուկրաինացի Դմիտրո Պինկովին:

Ազատ ոճում Վրաստանի հավաքականը ուներ  բրոնզե ևս մեկ մեդալ նվաճելու շանս, սակայն 97 կգ. քաշայինում ելույթ ունեցող Կուկուրի Կիրցխալիան, Ռեպեշաժի մարտում պարտվել է ուկրաինացի Եվգենի Սավետայի մոտ: