Ինչ վերաբերում է ԵՄ-ին անդամակցելու Վրաստանի հեռանկարներին: Սա Վրաստանի իրավասությունն է: Դիմում ներկայացնելու կարգ կա, բայց երբ երկիրը փորձում է նման հայտ ներկայացնել, նա պետք է փաստարկներով ամրապնդի իր դիրքերը, – ասաց հարևանության քաղաքականության և ընդլայնման հարցերով եվրահանձնակատար Օլիվեր Վարհեյը՝ վարչապետ Իրակլի Ղարիբաշվիլիի հետ համատեղ մամուլի ասուլիսում:

Եվրահանձնակատարի խոսքով, երկիրը պետք է ապացուցի, որ կարող է հաղթահարել բոլոր մարտահրավերները և կատարել ԵՄ-ին անդամակցության համար անհրաժեշտ բոլոր պայմանները:

«Ես գիտեմ նաև Վրաստանի Սահմանադրության արձանագրությունը, որ վերջնական նպատակը Վրաստանի անդամակցությունն է Եվրամիությանը: Այդ պատճառով Խորը և համապարփակ ազատ առևտրի համաձայնագրում այնպիսի վերապահում կա, որ Վրաստանը պարտավորվում է այս ճանապարհին կատարել իր բոլոր պարտավորությունները: Այս ճանապարհով առաջ շարժվելու լավագույն միջոցը մեր ստորագրած վերապահումներն անելն է, քանի որ այս կերպ կարող եք ապացուցել, որ լուրջ եք վերաբերում այս պարտավորությանը: Այդ պատճառով մենք համարում ենք, որ շատ բան պետք է արվի առկա մեխանիզմների միջոցով՝ Վրաստանը Եվրոպային էլ ավելի մոտեցնելու համար: Հուսով եմ, որ իմ նշած տնտեսական և ներդրումային ծրագիրը կօգնի երկրին արագացնել իր տնտեսական և սոցիալական ինտեգրումը մեր հասարակությանը», – ասաց Վարհեյը: