«Ցավոք, Եվրամիության մի շարք ինստիտուտներ ավելի ու ավելի են նմանվում Խորհրդային Միությանը»,— այս մասին հայտարարել է խորհրդարանի փոխխոսնակ Նինո Ծիլոսանին:

Ծիլոսանիին հարց են ուղղել Եվրոպական խորհրդարանի որոշման վերաբերյալ՝ «Իմեդի», «Ռուսթավի 2» և «Պոստիվի» հեռուստաընկերությունների հավատարմագրումը մեկ տարով կասեցնելու մասին։

«Այն որոշումը, որը կայացրել է Եվրոպարլամենտը՝ ազատ խոսքը ճնշելու, անկախ լրատվամիջոցին լռեցնելու և վրացական երեք անկախ լրատվամիջոցների գործունեությունը Եվրոպարլամենտի պատերի ներսում մեկ տարով արգելելու համար, ոչ այլ ինչ է, քան ազատ խոսքը լռեցնելու փորձ։ Իհարկե, վերջին շրջանում մենք լավ ենք տեսնում, թե ուր է գլորվում այս միությունը, այս դեպքում՝ Եվրոպարլամենտը։ Այս ինստիտուտը բազմիցս հիշեցրել է իր մասին անարդար բանաձևերով, իսկ հիմա հատկապես աչքի ընկավ գրաքննությամբ, որի մասին բազմիցս խոսել է ԱՄՆ նախագահի վարչակազմը, խոսում են բազմաթիվ լուրջ առաջնորդներ և քաղաքական գործիչներ, բայց այն, ինչ նրանք իրենց թույլ են տալիս Վրաստանի հանդեպ, վրացական անկախ լրատվամիջոցների նկատմամբ, դուրս է բոլոր չափանիշներից։ Նույնիսկ նրանց դեպքում սա հակառեկորդ է»,— հայտարարել է Նինո Ծիլոսանին: