Նինո Ծիլոսանի. Վրացական ընդդիմությունը և արմատական ակտիվիստները ֆինանսավորվում են Եվրամիության և ԱՄՆ-ի արտասահմանյան ֆոնդերից, ամեն հեղափոխական փորձ աջակցվում է այս կամ այն դոնոր կազմակերպության կողմից
Վրացական ընդդիմությունը և արմատական ակտիվիստները սիստեմատիկորեն ֆինանսավորվում են Եվրամիության և ԱՄՆ-ի արտասահմանյան ֆոնդերից, իսկ հեղափոխական բոլոր փորձերն աջակցում են այս կամ այն օտարերկրյա դոնոր կազմակերպություններին,- սոցցանցում գրում է «Վրացական երազանք»-ի անդամ Նինո Ծիլոսանին։
Ծիլոսանիի խոսքով՝ ժամանակն է, որ Եվրամիությունը հարգի նաև այլ երկրների ինքնիշխանությունը։
«Մենք ավելի քան մեկ տարի հրապարակավ հայտարարում ենք արտաքին միջամտության մասին: Թափանցիկության ակտի ընդունման շնորհիվ, որն այժմ այդքան արդիական է ԱՄՆ-ում, մենք դարձանք քաղաքական հարձակման թիրախ, բայց ողջ մնացինք: Այսօր արմատական ակտիվիստներն ու հակակառավարական քաղաքական կուսակցությունները ցույց են կազմակերպում՝ փակելու Թբիլիսի տանող գլխավոր մայրուղին։ Սա հանցագործություն կլինի գրեթե բոլոր երկրների օրենքներով, և դա, անկասկած, հանցագործություն է Վրաստանի օրենսդրության համաձայն: Քանի որ ԱՄՆ նորընտիր նախագահը պատմական քայլեր է ձեռնարկում ամերիկյան ֆինանսավորումը վերանայելու համար, ժամանակն է, որ Եվրամիությունը հարգի այլ երկրների ինքնիշխանությունը»,- գրում է Ծիլոսանին։
