Խորհրդարանական ձևաչափի ավելացումը և եռակողմ ձևաչափում խոսնակների ընդգրկումը ավելի կամրապնդեն հարաբերությունները:

Մենք Թուրքիայի և Ադրբեջանի խորհրդարանների հետ փոխադարձ համագործակցության ձևաչափ ունենք, որը վաղուց ենք հաստատել, դա արտաքին հարաբերությունների հանձնաժողովների երկկողմ, տարեկան հանդիպումներն են, ասել է խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն։

Սամխարաձեի խոսքով, նշված ձևաչափին կավելացվի եռակողմ խոսնակների ձևաչափը։

«Թուրքիան հյուրընկալելու է խոսնակների ձևաչափը, որտեղ երեք երկրների խորհրդարանների նախագահները կհանդիպեն պատվիրակությունների հետ և կքննարկեն մեր միջև հարաբերությունների հետագա խորացումը, ինչպես նաև տարածաշրջանային խնդիրները, տնտեսական նախագծերի զարգացումը, ինչը ողջունելի է, քանի որ երկու երկրներն էլ մեզ համար ռազմավարական նշանակություն ունեն, երկուսն էլ խոշորագույն առևտրային գործընկերներից են»,- հայտարարել է Նիկոլոզ Սամխարաձեն: