Վրաստանի խորհրդարանի պատվիրակությունը՝ խորհրդարանի նախագահ Կախա Կուճավայի գլխավորությամբ, գտնվում է Մադրիդում, որտեղ մասնակցում է միջխորհրդարանական միության վեհաժողովի աշխատանքներին։

Պատվիրակության անդամ, արտաքին հարաբերությունների խորհրդարանական կոմիտեի նախագահ Նիկոլոզ Սամխարաձեի խոսքով, այցի ընթացքում ուշադրության կենտրոնում կլինի Վրաստանի տարածքային ամբողջականությունը և վեհաժողովի անդամ երկրների հետ տնտեսական կապերի ամրապնդումը։

«Միջազգային միջխորհրդարանական միության վեհաժողովն անցկացվում է տարին երկու անգամ։ Մենք այդ միջոցներն օգտագործում ենք հիմնականում այն ​​երկրների հետ հանդիպելու համար, որոնց հետ սահմանափակ կապեր ունենք։ Այսինքն՝ Ասիայի եւ Աֆրիկայի պետությունները։ Մոտ քսան հանդիպում ենք ունենալու այս տարածաշրջանի երկրների հետ և զրույցի հիմնական թեման լինելու է Վրաստանի տարածքային ամբողջականությունը և չճանաչման քաղաքականության վարումը, նրանց ծանոթացնելով մեր խնդիրներին։ Կխոսենք նաև մի շարք երկրների հետ առևտրային հարաբերությունների մասին, այդ թվում՝ ազատ առևտրի, ինչպես նաև արաբական երկրներից զբոսաշրջիկների ավելի մեծ հոսքերի մասին»,- ասել է Նիկոլոզ Սամխարաձեն։

Տեղեկությունը տարածում է Վրաստանի խորհրդարանի մամուլի ծառայությունը։