Այլընտրանքային գործընթացը հաստատում է, որ երեք ընդդիմադիր կուսակցություններ ապրում են այլընտրանքային իրականության մեջ,- ասել է խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն։ Սամխարաձեն արձագանքել է ընդդիմության կողմից Եվրահանձնաժողովի հանձնարարականների կատարման հետ կապված զուգահեռ գործընթացի նախաձեռնմանը և աշխատանքային խմբերի ստեղծմանը։

«Անհասկանալի է, թե ինչպես կարող են երեք ընդդիմադիր կուսակցություններ, որոնք չունեն ձայների 1/3-ը խորհրդարանում, գործընթաց սկսել, երբ իշխող կուսակցությունն այլ ընդդիմադիր կուսակցությունների, հասարակական կազմակերպությունների և շահագրգիռ անձանց ներգրավմամբ արդեն սկսել է գործընթաց։ Այս ամենը բացահայտ փորձ է՝ վարկաբեկելու այն աշխատանքային գործընթացը, որով զբաղված է իշխանությունը։

Տեխնիկական կառավարության պահանջն այնքան հիմար էր, որ կարծում եմ իրենք էլ դա հասկացան ու դադարեցին հիմարություններ խոսել։ Եվրախորհրդարանի պատգամավորները շատ բաց և հստակ ասացին նրանց, որ պետք է միանան աշխատանքային խմբերին, ապա մասնակցեն կոմիտեի և լիագումար նիստերին: Այդ մարդիկ չեն կարող դասեր քաղել սեփական սխալների վրա, հետեւաբար իրենց որոշելիքն է՝ ներգրավվելո՞ւ են աշխատանքային գործընթացում, թե՞ ոչ»,- ասել է Սամխարաձեն։