Նիկոլոզ Քաջաիան դարձել է «Ռանինայի» չորրորդ եթերաշրջանի հաղթողը։ Հաղթելով նախագծում՝ երգիչը ձեռք բերեց «Մանկական Եվրատեսիլ» երգի մրցույթի ուղեգիր և դարձավ Վրաստանի ձայնը մանկական ամենամեծ երաժշտական ​​մրցույթում։ «Մանկական Եվրատեսիլ» երգի 19-րդ մրցույթը, որին մասնակցում են 19 երկրներ, կհյուրընկալի Փարիզը, դեկտեմբերի 19-ին։ Ավանդաբար ուղիղ հեռարձակումը Ֆրանսիայից կիրականացվի Վրաստանի Առաջին ալիքով։

Վրաստանի առաջին ալիքի «Ռանինա» նախագծի միջոցով արդեն չորրորդ տարին է, ինչ վրացի մասնակիցն ընտրվում է «Մանկական Եվրատեսիլ» երգի մրցույթին։ Պրոֆեսիոնալ ժյուրին մի քանի մրցութային փուլից հետո լավագույններից ընտրում է լավագույնին։

«Ռանինայի» չորրորդ եթերաշրջանի հաղթողը բացահայտվել է եզրափակիչ երեք մասնակիցների մեջ, որոնց թվում են Բարբարե Մախաթաձեն և Գեգա Շոնիան։

10-ամյա Նիկոլոզ Քաջաիան մանկուց զբաղված է երաժշտությամբ և երգով։ Տարբեր տարիներին սովորել է վոկալ դպրոցներում, այդ թվում՝ «Վոկալի ակադեմիայում»։ Մասնակցել է տարբեր հեռուստաշոուների և համերգների։

2020 թվականին ընդունվել է Թբիլիսիի Եվգենի Միքելաձեի անվան երկրորդ կենտրոնական երաժշտական ուսումնարան՝ դաշնամուրի բաժին։

Վրաստանը «Մանկական Եվրատեսիլ» երգի մրցույթին մասնակցում է 2007 թվականից։