Խաղաղության համաձայնագիրը ճանապարհ կբացի Հայաստանի և Ադրբեջանի միջև տասնամյակներ շարունակվող հակամարտության ավարտի համար, կսկսվի նոր փուլ, որը հիմնված կլինի միմյանց ինքնիշխանության և տարածքային ամբողջականության լիակատար հարգանքի վրա, – այս մասին հայտարարել է Հայաստանի վարչապետ Նիկոլ Փաշինյանը Սպիտակ տանը՝ Ադրբեջանի հետ խաղաղության հռչակագիր ստորագրելու ժամանակ։

Փաշինյանի գնահատմամբ՝ հռչակագրի ստորագրումով Հարավային Կովկասում սկսվում է խաղաղության, բարօրության, անվտանգության և տնտեսական համագործակցության փուլ։

«Այսօր մենք հասանք կարևոր փուլին Հայաստանի և Ադրբեջանի հարաբերություններում։ Դնում ենք հիմք ավելի լավ պատմության, քան այն, ինչ ունեինք անցյալում։ Այս առաջընթացը հնարավոր չէր լինի առանց նախագահ Դոնալդ Թրամփի անձնական ներգրավվածության։ Խաղաղության համաձայնագիրը ճանապարհ կբացի տասնամյակներ շարունակվող հակամարտության ավարտի համար մեր երկրների միջև և կսկսվի նոր փուլ, որը հիմնված կլինի միմյանց ինքնիշխանության և տարածքային ամբողջականության լիակատար հարգանքի վրա։ Հռչակագրի ստորագրումով սկսվում է խաղաղության, բարօրության, անվտանգության և տնտեսական համագործակցության փուլ Հարավային Կովկասում։

Հատկապես վստահ եմ, որ ԱՄՆ-ի հետ միասին Հայաստանը կաշխատի «Թրամփի երթուղին միջազգային խաղաղության և բարօրության համար» նախագծի վրա, որը կբացի ռազմավարական տնտեսական հնարավորություններ ողջ տարածաշրջանի համար և կբերի երկարաժամկետ օգուտ։ Սա կնպաստի ներդրումներին ենթակառուցվածքների մեջ, կուժեղացնի տարածաշրջանային կապերը», – ասել է Փաշինյանը։

Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը Սպիտակ տանը՝ ԱՄՆ նախագահ Դոնալդ Թրամփի միջնորդությամբ, ստորագրել են համատեղ խաղաղության հռչակագիր։ Փաստաթղթով կողմերը պարտավորվում են հավիտյան դադարեցնել ռազմական գործողությունները, սկսել առևտրային և դիվանագիտական հարաբերություններ, ճանապարհորդություն և հարգել միմյանց ինքնիշխանությունն ու տարածքային ամբողջականությունը։