«Ախալի» կուսակցության առաջնորդ Նիկա Գվարամիայի կարծիքով՝ Միխեիլ Սաակաշվիլին պետք է ազատ արձակվի, սակայն դա պահանջում է ռեժիմի փոփոխություն։

«Ազգային շարժման» հայտարարությունները չեմ մեկնաբանի, դա ոչ իմ շահն է, ոչ իմ իրավասությունը։ Սաակաշվիլին այս երկրի թիվ մեկ քաղբանտարկյալն է անկախ Վրաստանի ողջ պատմության ընթացքում, և նա պետք է ազատ արձակվի, բայց դա պահանջում է ռեժիմի փոփոխություն: Նա պատանդ է։ Պատանդներն ազատ են արձակվում՝ ահաբեկիչներին տարածքից հեռացնելով»,- ասել է Նիկա Գվարամիան։

Ինչ վերաբերում է «Ազգային շարժման» ներկայացուցիչների կողմից Սալոմե Զուրաբիշվիլիի քննադատությանը, ապա Գվարամիան ասաց, որ իրեն չի մտահոգում այլ ընդդիմադիր կուսակցությունների քննադատությունները Զուրաբիշվիլիի հասցեին, քանի որ գլխավորը համատեղ գործի վրա աշխատելն է։ Նիկա Գվարամիայի խոսքով՝ Զուրաբիշվիլին այս երկրի գոյատևման ամենակարևոր գործիքն է։

«Մենք ոչ բոլորս ենք սիրահարվել Սալոմե Զուրաբիշվիլիին, Սալոմե Զուրաբիշվիլին շատ կարևոր գործիք է այս երկրի գոյատևման համար, և գուցե նույնիսկ որոշիչ: Մենք՝ որպես քաղաքական կուսակցություններ, հայրենասերներ և այս երկրի քաղաքացիներ, չենք հրաժարվի դրանից»,- նշել է Գվարամիան: