Ներքին գործերի նախարարությունը պատվաստումների booking.moh.gov.ge կայքէջի վրա կիբերհարձակման փաստով հետաքննություն է սկսել երկու հոդվածների համաձայն:

Ինչպես ՆԳՆ-ում հայտնեցին Վրաստանի Առաջին ալիքին, հետաքննությունը շարունակվում է Վրաստանի քրեական օրենսգրքի 285-րդ և 286-րդ հոդվածների առաջին մասերով:

285-րդ հոդվածը նախատեսում է համակարգչային ծրագրի և (կամ) այլ սարքի, համակարգչային համակարգ մուտք գործելու համար անհրաժեշտ գաղտնաբառի, մուտքի կոդի կամ այլ համանման տվյալների չարտոնված պատրաստում, գնում, պահում, վաճառք, տարածքում կամ մուտքի այլ տիպի տրամադրում:

286-րդ հոդվածը նախատեսում է համակարգչային տվյալների չարտոնված վնաս, ջնջում, փոփոխում կամ փակում:

Առողջապահության նախարարության փոխանցմամբ, կիբերհարձակում է իրականացվել կորոնավիրուսի պատվաստումների booking.moh.gov.ge գրանցման պորտալի վրա, մասնագետներն աշխատում են խնդիրը վերացնելու ուղղությամբ: