Ներքին գործերի նախարարության Սամեգրելո-Զեմո Սվանեթիի ոստիկանության բաժնի աշխատակիցները ոստիկանի դեմ խմբակային դիմադրության փաստով ձերբակալել են երեք անձի՝ 1979 թվականին ծնված Վ.Գ.-ին, 1990 թվականին ծնված Գ.Ու.-ին և 1992 թվականին ծնված Գ.ՈՒ.-ին: Տեղեկատվությունը տարածում է ՆԳՆ-ն:

Հանցագործությունը նախատեսում է առավելագույն պատժաչափ՝ 4-ից 7 տարի ազատազրկում:

Հետաքննության արդյունքում պարզվել է, որ ամբաստանյալները այս տարվա ապրիլի 17-ին Խաիշիում իրավախախտման փաստին արձագանքման ժամանակ դիմադրություն են ցույց տվել ոստիկանության աշխատակիցներին և ֆիզիկապես հարձակվել: Վիրավորվել է մեկ ոստիկան, որին ցուցաբերվել է առաջին բուժօգնություն, նրա առողջական վիճակը բավարար է:

Ոստիկանությունը հանցագործությունը կատարելուց անմիջապես հետո Խաիշիում ձերբակալել է մեղադրյալներին:

Հանցագործության մեջ ներգրավված այլ անձանց ձերբակալելու ուղղությամբ կատարվում են քննչական և դատավարական միջոցառումներ:

Ոստիկանության նկատմամբ խմբակային դիմադրության փաստի վերաբերյալ հետաքննությունը շարունակվում է Վրաստանի քրեական օրենսգրքի 353-րդ հոդվածի երկրորդ մասով: