Ներքին գործերի նախարարությունը կպարզի բոլոր այն անձանց, ովքեր ուղղակի կամ անուղղակի ազդեցություն են գործել Խորավայի փողոցում տեղի ունեցած ծանր հանցանքի դատավարության արդյունքների վրա,- այս մասին հայտարարել է ներքին գործերի նախարարության կենտրոնական քրեական ոստիկանության դեպարտամենտի տնօրեն Վլադիմիր Բորցվաձեն՝ մամլո ասուլիսին:

Նրա խոսքով, ՆԳՆ-ը քննում է քրեական գործը այն հավելյալ հանգամանքները պարզելու համար, որոնք բացահայտվել են սպանության հիմնական գործի դատավարությանը:

«Հետաքննության նպատակն է, պարզել այն համապատասխան անձանց, ովքեր մշտապես, գաղտնի կերպով փորձում էին աղավաղել փաստերը (այդ թվում, փորձաքննության եզրահանգումները) և ֆինանսական կամ այլ ազդեցությունների կիրառմամբ ներգործել դատավարության վրա:

Երեկ արդեն հարցաքննվել է մի քանի անձ: Հարցաքննությունները և քննչական այլ գործողությունները շարունակվում են:

Այժմ ընթացող հետաքննության շրջանակներում, ներքին գործերի նախարարությունը կպարզի բոլոր այն անձանց, ովքեր ուղղակի կամ անուղղակի ազդեցություն են գործել Խորավայի փողոցում տեղի ունեցած ծանր հանցանքի դատավարության արդյունքների վրա»,- հայտարարել է Բորցվաձեն: