Ներքին գործերի նախարարության Սամեգրելո-Զեմո Սվանեթիի ոստիկանության դեպարտամենտի Փոթիի քաղաքային բաժնի աշխատակիցները խոշոր չափի գողության մեղադրանքով ձերբակալել են մեկ անձի։

ՆԳՆ-ի տվյալներով՝ քննությամբ պարզվել է, որ մեղադրյալները Փոթիի երկաթուղային կայարանի տարածքում գտնվող գնացքի վագոնի բաքից գաղտնի տեղադրված խողովակի միջոցով ապօրինի կերպով գողացել են մինչև 3000 լիտր վառելիք։

«Ձեռնարկված միջոցառումների արդյունքում ոստիկանությունը որպես կասկածյալ ձերբակալել է հանցագործության կատարողին և որպես ապացույց առգրավել գողացված վառելիքը։

Իրավապահ մարմինների աշխատակիցները շարունակում են ակտիվ քննչական միջոցառումները՝ հանցագործությանը մասնակցող մյուս անձանց ինքնությունը պարզելու և կալանավորելու համար։

Քննությունը շարունակվում է Քրեական օրենսգրքի 177-րդ հոդվածի 2-րդ և 4-րդ մասերով, որը նախատեսում է մինչև 10 տարի ազատազրկում», – նշվում է տեղեկատվության մեջ։