Ներքին գործերի նախարարության Աջարիայի ոստիկանության վարչության աշխատակիցները տարբեր ժամանակներում իրականացված օպերատիվ միջոցառումների և քննչական գործողությունների արդյունքում ձերբակալել են 1992 թվականին ծնված Լ. Ք.-ին և 2001 թվականին ծնված Թուրքիայի քաղաքացի Ի. Օ.-ին՝ առանձնապես խոշոր չափերով թմրամիջոցների ապօրինի ձեռքբերման և պահման, ապօրինի իրացման աջակցման, ինչպես նաև թմրամիջոց պարունակող բույսի ապօրինի ցանքսի և աճեցման մեղադրանքով։

Այս մասին տեղեկություն է տարածել ՆԳՆ-ն։

Նրանց տվյալներով՝ հանցագործությունները նախատեսում են մինչև 20 տարի կամ անժամկետ ազատազրկում։

«Իրավապահները կասկածյալների անձնական և բնակելի տարածքներում, ինչպես նաև մեկ այլ վայրից առգրավել են վաճառքի համար պատրաստված տարբեր տեսակի թմրամիջոցներ, այդ թվում՝ «MDMA», «ալֆա-PVP», «մեթադոն», «չորացված մարիխուանա» և «կանեփի բույս», ինչպես նաև թմրամիջոցների փաթեթավորման համար անհրաժեշտ նյութեր։ Քրեական գործի նախաքննությունը ընթանում է քրեական օրենսգրքի 260-րդ, 260-րդ քառորդ և 265-րդ պրիմա հոդվածներով», – ասվում է ՆԳՆ հաղորդագրությունում։