Ներքին գործերի նախարարությունը երկու անձի նկատմամբ խմբակային բռնության մեղադրանքով ձերբակալել է չորս անձի։

Ըստ գերատեսչության հաղորդագրության՝ ՆԳՆ Աջարայի ոստիկանության դեպարտամենտի Բաթումիի քաղաքային բաժնի աշխատակիցները համակցված օպերատիվ միջոցառումների և քննչական գործողությունների արդյունքում ձերբակալել են 2008 թ. ծնված Ն.Վ.-ին, 2011 թ. ծնված Ու.Չ.-ին, 2009 թ. ծնված Ս.Կ.-ին և 2008 թ. ծնված Դ.Գ.-ին։

Ներքին գործերի նախարարության տվյալներով՝ հանցագործությունը նախատեսում է մինչև երկու տարի ազատազրկում։

«Քննությամբ պարզվել է, որ մեղադրյալները այս տարվա օգոստոսի 28-ին Բաթումիում խմբակային ֆիզիկական բռնություն են գործադրել երկու անձի նկատմամբ, որից հետո փախուստի են դիմել դեպքի վայրից։ Իրավապահները, օպերատիվ միջոցառումների և քննչական գործողությունների արդյունքում, ձերբակալել են հանցագործության մասնակից չորս անձին՝ որպես մեղադրյալ։ Գործով շարունակվում են համապատասխան դատավարական և քննչական գործողությունները։ Դեպքի առթիվ քննությունը տարվում է Վրաստանի քրեական օրենսգրքի 126-րդ հոդվածի առաջին պրիմա մասով», – նշվում է ՆԳՆ հաղորդագրության մեջ։