Ներքին գործերի նախարարության Աջարիայի ոստիկանության դեպարտամենտի Բաթումի քաղաքային բաժնի աշխատակիցները, ձեռնարկված համալիր օպերատիվ միջոցառումների և քննչական գործողությունների արդյունքում, դատավորի որոշմամբ ձերբակալել են 4 անձի՝ 1982 թվականին ծնված Ն.Մ.-ին, 1997 թվականին ծնված Ա.Ց.-ին, 2002 թվականին ծնված Գ.Զ.-ին և 1982 թվականին ծնված Ա.Ի.-ին՝ կազմակերպված խմբի կողմից խոշոր չափերով կատարված խարդախության մեղադրանքով։ Տեղեկատվությունը հրապարակել է Ներքին գործերի նախարարությունը։

«Քննությունը պարզել է, որ մեղադրյալները ստեղծել են հանցավոր խումբ՝ անօրինական կերպով մեծ քանակությամբ ֆինանսական օգուտ ստանալու նպատակով և նրանց նշանակել են որոշակի դերեր։ Բաթումիում ձերբակալվածները համոզել են անշարժ գույքի գրավադրմամբ հետաքրքրված կողմերին, որ իրենք իրավունք ունեն վարկի դիմաց գրավադրել որոշակի տարածքներ և դրանք ժամանակավոր օգտագործման համար փոխանցել նրանց, որից հետո խարդախությամբ ստացել են քաղաքացիներին պատկանող միջոցներ։

Մեղադրյալների կողմից կատարված հանցավոր գործողությունների արդյունքում տուժել է 16 քաղաքացի։ Խարդախությամբ յուրացված գումարը կազմել է 461,306 լարի։

Համալիր օպերատիվ միջոցառումների և քննչական գործողությունների արդյունքում իրավապահ մարմինների աշխատակիցները պարզել են հանցավոր խմբի անդամներին և ձերբակալել նրանց որպես մեղադրյալներ։ Հետաքննությունը շարունակվում է Քրեական օրենսգրքի 180-րդ հոդվածի 3-րդ և 4-րդ մասերով։ Հանցագործությունը նախատեսում է մինչև մեկ տարի ազատազրկում», – ասվում է ՆԳՆ տեղեկատվության մեջ։