Ձեռնարկված օպերատիվ և քննչական գործողությունների արդյունքում, ՆԳ նախարարության Թբիլիսիի ոստիկանության վարչության աշխատակիցները ուրիշի գույքը վնասելու մեղադրանքով բերման են ենթարկել Ռուսաստանի քաղաքացու, 1995 թվականին ծնված Դ.Կ.-ին։ Տեղեկությունը տարածում է ՆԳ նախարարությունը։

Գերատեսչության տվյալներով՝ հանցագործությունը պատժվում է մինչև երեք տարվա ազատազրկմամբ։

«Քննությամբ պարզվել է, որ մեղադրյալը, ում դեմքը ծածկված է եղել հատուկ դիմակով, այս տարվա մարտի 28-ին Ռուսթավելի պողոտայում տեղի ունեցած հանրահավաքի ժամանակ դիտավորությամբ վնասել է ՆԳ նախարարության վրա գրանցված մեքենան և դեպքի վայրից դիմել փախուստի։

Թեժ վայրում իրականացված քննչական միջոցառումների արդյունքում իրավապահները Թբիլիսիում հայտնաբերել են մեղադրյալին և ձերբակալել։

«Նախաքննությունը շարունակվում է Քրեական օրենսգրքի 187-րդ հոդվածի 1-ին մասով»,- ասված է ՆԳ նախարարության հաղորդագրության մեջ։