Ներքին գործերի նախարարը աշխատանքային հանդիպումներ է անցկացրել Աջարիայի մարզում
Ներքին գործերի նախարար Գելա Գելաձեն աշխատանքային հանդիպումներ է անցկացրել Աջարիայի մարզում: Նախարարության մամուլի ծառայության հաղորդմամբ, նախարարը հանդիպել է Աջարիայի ոստիկանության դեպարտամենտի, ինչպես նաև պարեկային ոստիկանության դեպարտամենտի ղեկավարների և աշխատակիցների հետ:
Գելա Գելաձեն ոստիկանության ստորաբաժանումների ղեկավարներից տեղեկություններ է ստացել հանցագործության դեմ պայքարի, ոստիկանության կանխարգելիչ միջոցառումների և ճանապարհային երթևեկության անվտանգության վերաբերյալ իրենց գործունեության տարածքներում:
Ներքին գործերի նախարարը նաև այցելել է Աջարիայի մարզում գտնվող նախարարության այլ կառուցվածքային ստորաբաժանումներ: Գելա Գելաձեն զրուցել է աշխատակիցների հետ և ստուգել նրանց աշխատանքային տարածքները, սարքավորումները և հարմարությունները:
Նախարարը նաև այցելել է Բաթումիի միջազգային օդանավակայան, որտեղ հանդիպել է սահմանապահների և անվտանգության ոստիկանության դեպարտամենտի աշխատակիցների հետ:
Աջարիայի մարզում կայացած աշխատանքային հանդիպումներին մասնակցել են նաև Ներքին գործերի նախարարի առաջին տեղակալ Ռոլանդ Մեսխին, տեղակալներ Ալեքսանդրե Դարախվելիձեն, Մարիամ Տաբատաձեն, Շալվա Թադումաձեն և Գիորգի Բութխուզին:
Հանդիպումների շրջանակներում ևս մեկ անգամ նշվեց, որ ամառային սեզոնի կապակցությամբ Ներքին գործերի նախարարության բոլոր համապատասխան ստորաբաժանումները լիովին պատրաստ են ապահովել անվտանգ զբոսաշրջային միջավայր ինչպես տեղացի հանգստացողների, այնպես էլ օտարերկրյա այցելուների համար։
Ներքին գործերի նախարարը աշխատակիցներին մաղթեց հաջողություններ իրենց մասնագիտական գործունեության մեջ։