Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ, Ջեյմս Ափաթուրայի հայտարարությամբ, ներկայումս քննարկվող ՆԱՏՕ-ի գագաթնաժողովի կոմյունիկեն կանդրադառնա վրացիներին հետաքրքրող չորս հիմնական հարցերի:

Այս մասին Ափաթուրայը խոսել է Վրաստանի առաջին ալիքին տված բացառիկ հարցազրույցում:

«ՆԱՏՕ-ի գագաթնաժողովի կոմյունիկեում, որը քննարկվում է այս պահին, երբ մենք զրուցում ենք, կլինեն վրացիներին հետաքրքրող չորս հիմնական հարցեր: Նախ, դա կլինի հզոր հաղորդագրությունը, որ ՆԱՏՕ-ի դուռը դեռ բաց է: Ինչպես վրացիները գիտեն, մենք նոր ենք ընդունել երկու նոր անդամների ՝ Հյուսիսային Մակեդոնիան և Մոնտենեգրոն: Սա ապացույց է, որ դաշինքի դուռը իսկապես բաց է:

Երկրորդը կլինի ամուր ուղերձ մասնավորապես Վրաստանին, որ ՆԱՏՕ-ն հավատարիմ է Բուխարեստի գագաթնաժողովում ընդունված որոշմանը, և որ Վրաստանը հաստատ կդառնա ՆԱՏՕ-ի անդամ: Միևնույն ժամանակ, մենք մեկ անգամ ևս շնորհակալություն ենք հայտնում Վրաստանին այն ամենի համար, ինչ նա անում է: Ես նկատի ունեմ միջազգային անվտանգության և կայունությանը նպաստելու համար», – ասել է Ափաթուրայը:

Ըստ նրա ՝ Վրաստանին վերաբերող երրորդ կետը ներառում է Սև ծովը:

«Սև ծովում անվտանգության տեսանկյունից իրավիճակը վատթարացել է, և դա տեղի է ունենում Ռուսաստանի պատճառով: Այդ թվում ղրիմի բռնակցման և այն պատճառով, ինչ կատարվում է Վրաստանում: Ես ակնկալում եմ, որ ՆԱՏՕ-ի կոմյունիկեում նշվելու է ոչ միայն այն, որ Դաշինքը գիտի այդ մասին, այլ նաև, որ ՆԱՏՕ-ն քայլեր է ձեռնարկում այդ կապակցությամբ ՝ Վրաստանի և Ուկրաինայի ներգրավմամբ», – ասել է Ափաթուրայը:

Ըստ նրա, չորրորդ հարցը կլինի համապարփակ թեման, որի շրջանակներում ՆԱՏՕ-ն ընդունում է, որ կա աշխարհառազմավարական մրցակցություն ժողովրդավարական և ոչ ժողովրդավարական աշխարհների միջև:

«Այս մրցակցությունը սրվում է: Այդ պատճառով, ՆԱՏՕ-ն ցանկանում է ձեռք մեկնել ավելի շատ համախոհ պետությունների, ինչպիսին է Վրաստանը, որպեսզի խորհրդակցությունները միասին անց կացնենք և միասին աշխատենք, ոչ միայն ֆիզիկական անվտանգությունը պաշտպանելու, այլև մեր ընդհանուր արժեքների, ինչպես նաև այն համակարգերի ու չափորոշիչների պաշտպանության համար, որոնցից կախված է ժողովրդավարությունը: Օրինակ  ՄԱԿ-ի համակարգում, ինչպես նաև հեռահաղորդակցման համակարգերում, այնպես որ մենք և Վրաստանը ավելին կանենք այս համատեքստում: Այնպես որ, հուսով եմ, որ վրացիները կգնահատեն դա», – նշել է Ջեյմս Ափաթուրայը: