ԱՄՆ-ում, Արժույթի միջազգային հիմնադրամի և Համաշխարհային բանկի գարնանային հանդիպումների շրջանակներում, Վրաստանի ազգային բանկի նախագահ Նաթիա Թուրնավան և ֆինանսների նախարար Լաշա Խուցիշվիլին հանդիպել են Արժույթի միջազգային հիմնադրամի կառավարիչ տնօրեն Յերոեն Կլիկսի և կառավարիչ տնօրենի տեղակալ Մարնիկս վան Ռեի հետ։

Այս մասին հաղորդում է Վրաստանի Ազգային բանկը:

Նրանց խոսքով՝ հանդիպմանը մասնակցել են նաև Վրաստանի Ազգային բանկի փոխնախագահներ՝ Էկատերինե Միքաբաձեն և Էկատերինե Գալդավան, ինչպես նաև ֆինանսների և էկոնոմիկայի փոխնախարարները։

«Հանդիպման ժամանակ կողմերը քննարկել են Վրաստանի ներկայիս տնտեսական իրավիճակը և ընդգծել տնտեսական աճի ցուցանիշները։ Նշվել է Վրաստանի Ազգային բանկի հետևողական դրամավարկային քաղաքականությունը և գների կայունությունը, ինչպես նաև Վրաստանի ֆինանսական համակարգի կայունությունը։ Զրույցի ընթացքում անդրադարձ է եղել նաև համաշխարհային մարտահրավերներին և ռիսկերին։ Բացի այդ, կողմերը քննարկել են ապագա համագործակցությունը և առաքելության Վրաստան կատարելիք այցը», – ասվում է Վրաստանի Ազգային բանկի հայտարարության մեջ։

Ազգային բանկի հաղորդմամբ, Արժույթի միջազգային հիմնադրամի գործադիր տնօրենը անհամբեր սպասում է առաքելության շրջանակներում Վրաստան կատարելիք իր այցին։