Վրաստանի մշակութային ժառանգության պաշտպանության ազգային գործակալությունը Ղինծվիսիի Աստվածածնի գմբեթավոր տաճարում տեղի հոգևորական անձանց կողմից հատակի բարեկարգումը գնահատում է ինքնագործունեություն և ապօրինություն:
Գործակալության հայտարարությամբ, պետական ինստիտուտների և վերանորոգման համապատասխան մեթոդաբանության բացարձակ անտեսմամբ կատարված աշխատանքները հակասում են գործող օրենսդրությանը և հուշարձանների պաշտպանության սկզբունքներին, կոպիտ խախտում ազգային արժեքները և կարևոր վնաս հասցնում մշակութային ժառանգությանը:
«Ապարդյուն է եղել մշակութային ժառանգության պաշտպանության ազգային գործակալության կողմից առանց թույլտվության աշխատանքները կանխելու մի քանի փորձ: Գերատեսչության հսկողության ծառայության խմբին տեղի հոգևորականների կողմից թույլ չի տրվել մուտք գործել վանական համալիրի տարածք, որի հետևանքով անհնար է դարձել կատարել օրենքով սահմանված գործողություններ: Տեղի հոգևորական անձանց նախաձեռնությամբ սկսված գործընթացը չի կասեցվել»,- նշված է գործակալության հայտարարությունում:
Հուշարձանների պաշտպանության սկզբունքներից ելնելով, Մշակութային ժառանգության պաշտպանության ազգային գործակալությունը հարցին արձագանքելու խնդրանքով դիմել է Վրաստանի պատրիարքարանին:
