Վրաստանի մշակութային ժառանգության պաշտպանության ազգային գործակալության տվյալներով՝ գործակալության մշակութային ժառանգության մոնիթորինգի ծառայությունը անցյալ տարի բացահայտել է Քարելիի մունիցիպալիտետի Զղուդերի գյուղում մշակութային ժառանգության հուշարձան հանդիսացող Սուրբ Գիորգիի եկեղեցու ավերակների վրա նոր եկեղեցու չարտոնված կառուցման փաստը։

Հայտարարության համաձայն՝ գործակալությունն անմիջապես արձագանքել է և գրել է աշխատանքների անմիջական կատարող Ռուիս-Ուրբնիսի թեմին՝ խնդրելով դադարեցնել աշխատանքները։ Իրավիճակի մասին տեղեկացվել է նաև Վրաստանի պատրիարքարանը՝ որպես հուշարձանի սեփականատեր։

«Մշակութային ժառանգության պաշտպանության ազգային գործակալության մոնիթորինգի ծառայությունը տեղում կրկին կգնահատի իրավիճակը, որից հետո կձեռնարկվեն օրենքով սահմանված գործողություններ։

Գործակալությունը կոչ է անում բոլոր շահագրգիռ կողմերին գործել օրենքի համաձայն և թույլ չտալ պատմական հուշարձանների վնասում կամ ոչնչացում», – նշել է Վրաստանի մշակութային ժառանգության պաշտպանության ազգային գործակալությունը։