Մոսկվայի շրջանում ադրբեջանական սփյուռքի ղեկավար Էլշան Իբրահիմովին զրկել են Ռուսաստանի քաղաքացիությունից
Մոսկվայի շրջանում ադրբեջանական սփյուռքի ղեկավար Էլշան Իբրահիմովին զրկել են Ռուսաստանի քաղաքացիությունից։
Ադրբեջանական մեդիայի հաղորդմամբ՝ այս տեղեկությունը հաստատել է հենց Էլշան Իբրահիմովը, որը հանդիսանում է ադրբեջանցիների տարածաշրջանային ազգային-մշակութային ինքնավարության նախագահը։
Միաժամանակ հայտնի է դարձել, որ Մոսկվայի մարզի Իստրայի շրջանում տեղի ադրբեջանական սփյուռքի ղեկավարի առևտրային օբյեկտներում իրականացվել է հերթական հակամիգրացիոն ոստիկանական գործողությունը։ Մոսկվայի մարզում ադրբեջանցիների տարածաշրջանային ազգային-մշակութային ինքնավարության ներկայացուցչի՝ Թախիր Հաջիևի շուկայում, կանխարգելիչ միջոցառումների ընթացքում անվտանգության ծառայությունները հայտնաբերել են միգրանտներ, ովքեր աշխատել են առանց աշխատանքային թույլտվության։
Հայտնի է դարձել, որ ապօրինի միգրանտներին աշխատանքի ընդունած կազմակերպությունը վերահսկվում է նույն սփյուռքի ներկայացուցիչների կողմից։ Տեղում նաև հայտնաբերվել են ապօրինի «հյուրանոց» և կրոնական հաստատություն, որոնց օրինականությունը ներկայումս ստուգվում է։