Մոնիտորինգի հանձնաժողովի համազեկուցողներ. Վրաստանի իշխանությունները, անհրաժեշտության դեպքում, կարող են կենտրոնանալ օրենսդրական դաշտի ամրապնդման վրա և դա անել Եվրոպայի խորհրդի հետ սերտ համագործակցությամբ
Եվրոպայի խորհրդի խորհրդարանական վեհաժողովի մոնիտորինգի հանձնաժողովի համազեկուցողները
Վրաստանի կառավարությանը կոչ են անում չեղյալ համարել «Օտարերկրյա ազդեցության
թափանցիկության մասին» օրենքը։
Եվրոպայի խորհրդի խորհրդարանական վեհաժողովի կայքում հրապարակված հայտարարության մեջ նշվում
է, որ այն բանից հետո, երբ Վենետիկի հանձնաժողովը հրապարակեց «Օտարերկրյա ազդեցության
թափանցիկության մասին» օրենքի վերաբերյալ առաջարկությունները, Խորհրդարանական վեհաժողովի
մոնիտորինգի հանձնաժողովի համազեկուցողները Վրաստանի հարցով Եվրոպայի խորհրդի անդամ Կլոդ
Քերնը և Էդիթ Էստրելլան կոչ են արել կառավարությանը չեղարկել օրենքը։
«Մեր վրացի գործընկերները մեզ խնդրել են իրավական փաստարկներ ներկայացնել օտարերկրյա
ազդեցության թափանցիկության մասին օրենքի հետ կապված մեր մտահոգությունների վերաբերյալ։ Այս
փաստարկներն այժմ նրանց տրվել են Վենետիկի հանձնաժողովի կողմից միաձայն առաջարկությունների
տեսքով՝ Վեհաժողովի նախագահի պահանջով: Ուստի իշխող կուսակցությանը կոչ ենք անում չհաղթահարել
նախագահի վետոն և չեղարկել օրենքը, ինչպես նշված է Վենետիկի հանձնաժողովի
հանձնարարականում»,- ասել են Եվրախորհրդի խորհրդարանական վեհաժողովի անդամները։
Հայտարարության մեջ ևս մեկ անգամ նշվում է, որ Վենետիկի հանձնաժողովի հանձնարարականի
համաձայն՝ Վրաստանն արդեն ունի համապարփակ իրավական դաշտ, որը կարգավորում է հասարակական
կազմակերպությունների և լրատվամիջոցների ֆինանսավորումը
«Մենք պատրաստ ենք վրացական մոնիթորինգի ընթացակարգի շրջանակներում շարունակել
երկխոսությունը Վրաստանի կառավարության և հասարակության հետ այս հարցի շուրջ»,- ասված է
հաղորդագրության մեջ։
Բացի այդ, հայտարարության մեջ նշվում է, որ Եվրախորհրդի խորհրդարանական վեհաժողովը
Վրաստանում ժողովրդավարության մարտահրավերների վերաբերյալ բանավեճ կանցկացնի, որը տեղի
կունենա Եվրոպայի խորհրդի խորհրդարանական վեհաժողովի մշտական հանձնաժողովի նիստի
շրջանակներում։ մայիսի 24-ին Վիլնյուսում:
