Առողջապահության նախարար Միխեիլ Սარჯվելաձեն հանդիպել է Վրաստանում Մալթայի Սուվերեն օրդենի դեսպան Թեոդորիկո Նանին։ Այս մասին տեղեկացնում է Առողջապահության նախարարությունը։

Գերատեսչության տվյալներով՝ հանդիպմանը քննարկվել է Վրաստանի և Մալթայի Սուվերեն օրդենի միջև համագործակցությունը և համատեղ նախագծերը։

«Միխեիլ Սარჯվելաձեն շնորհակալություն է հայտնել Թեոդորիկո Նանիին Վրաստանում նրա բարեգործական գործունեության համար։ Առողջապահության նախարարն ընդգծել է նաև Մալթայի Սուվերեն օրդենի հետ համագործակցության կարևորությունը։

Հանդիպմանը անդրադարձ է կատարվել նաև բժշկական ուղղության նախագծին, որի շրջանակում վրացի բուժքույրերը մասնագիտական պրակտիկա են անցնում Միլանի մի հիվանդանոցում։ Կողմերը քննարկել են ապագայում ավելի ակտիվ համագործակցության և նոր համատեղ ծրագրերի հնարավորությունները։

Հանդիպմանը մասնակցել է նաև Վրաստանի արտակարգ և լիազոր դեսպանն Սուրբ աթոռում՝ Դավիթ Մեքվաբիշվիլին», — ասված է նախարարության հայտարարության մեջ։