«ԱՄՆ-ի փոխնախագահ Ջեյ Դի Վենսի և ԱՄՆ-ի պետքարտուղար Մարկո Ռուբիոյի հետ հանդիպման ընթացքում ընդգծվել են մեր ընդհանուր արժեքները», – հայտարարել է Վրաստանի նախագահ Միխեիլ Ղավելաշվիլին։

Ինչպես նշել է Ղավելաշվիլին, նա հույս ունի, որ ԱՄՆ-ի հետ հարաբերությունները դինամիկ կերպով կշարունակվեն։

«Մենք հնարավորություն ունեցանք զրուցելու ԱՄՆ-ի փոխնախագահ Ջեյ Դի Վենսի և պետքարտուղար Մարկո Ռուբիոյի հետ։ Շատ ջերմ հանդիպում ունեցանք։ Գիտեք, որ ներկայիս վարչակազմի հետ ունենք արժեքային համընկնում, այդ թվում՝ ազգային շահերի և ընտանեկան արժեքների մասով։ Ջեյ Դի Վենսը մեր երկրի հասցեին չխնայեց բարի խոսքեր, նա տեղյակ էր Վրաստանի պատմական վերաբերմունքին քրիստոնեության նկատմամբ, հիշատակեց նաև պատրիարքին։ Հանդիպման ընթացքում ընդգծվեցին մեր ընդհանուր արժեքները։ Հուսով եմ, որ մեր հարաբերությունները առաջիկա տարիներին կշարունակվեն դինամիկ կերպով, ինչպես այդ հանդիպումից հետո մեզ մոտ տպավորություն ստեղծվեց», – հայտարարել է Ղավելաշվիլին։