Մեր երկրին կոչ էին անում միանալ պատժամիջոցներին, ուղարկել կամավորներ և զենք, որպեսզի Վրաստանը ներքաշվի պատերազմի մեջ,- այս մասին ասել է Վրաստանի նախագահ Միխեիլ Ղավելաշվիլին ադրբեջանական հեռուստաընկերությանը տված հարցազրույցում։

Նրա խոսքով՝ այն, ինչի մասին խոսում էին կառավարությունն ու «ժողովրդի ուժը», Թրամփի վարչակազմն այժմ կրկնում է ճիշտ նույնը։

«Այն իրականության հետ, որն այսօր գոյություն ունի գլոբալ տեսանկյունից, ես նկատի ունեմ Դոնալդ Թրամփի վարչակազմի գործողությունները, ի հայտ են եկել կոնկրետ ուժեր, որոնք շահագրգռված են պատերազմով: Մենք անընդհատ խոսում ենք «Դիփ Սթեյթի» մասին, մենք այն անվանում էինք գլոբալ պատերազմի կուսակցություն, որի շահն էր այս պատերազմը հնարավորինս երկար շարունակել: Մենք այս թեմայի մասին խոսել ենք ի սկզբանե, իսկ հիմա Թրամփի վարչակազմն է խոսում դրա մասին։ Նրանք կոչ էին անում մեր երկրին ավելի ակտիվ լինել պատերազմում, խնդրում էին միանալ պատժամիջոցներին, ուղարկել կամավորներ և ուղղակի զենք, ինչը կապված է պատերազմի մեջ Վրաստանի ներգրավվածության հետ։ Նախկին վարչակազմի ներկայացուցիչները եւս կրկնել են ճնշման այս մեթոդը։ Այսօր ես խոսում եմ Թրամփի տեսակետների մասին, քանի որ գիծը հստակ գծված է. այն, ինչ մենք, կառավարությունը և «Ժողովրդի ուժը» ասում էինք, մեկ առ մեկ կրկնվում է Թրամփի վարչակազմի կողմից», – ասել է Ղավելաշվիլին։