Մենք չենք ասում, որ յուրաքանչյուր քաղաքում պետք է բացվեն ընտրատեղամասեր, բայց պետք է մեծացվի էմիգրանտների համար ընտրություններին մասնակցության հնարավորությունը, Վրաստանի Առաջին ալիքին ասել է «Հանուն Վրաստանի» կուսակցության անդամ Միխեիլ Դաուշվիլին։

Դաուշվիլիի խոսքով՝ իշխանությանը ձեռնտու չէ արտերկրում ընտրական տեղամասերի բացումը։

«Իրենք հաստատ գիտեն, որ արտագաղթածների ճնշող մեծամասնությունը իրենց ձայն չի տա։ Ամեն տարի մի քանի միլիարդ է մտնում երկիր արտագաղթածների շնորհիվ։ Փաստորեն, վրացական տնտեսության զգալի մասը ստեղծվում է ներգաղթյալների կողմից։ Կառավարությունը նրանց ասում է, որ պետք է գումար փոխանցեն, նրանք կհպարտանան տնտեսական աճով, բայց չեն կարողանա մասնակցել որոշումների կայացմանը։ Մարդիկ ստիպված կլինեն հարյուրավոր կիլոմետրեր անցնել քվեարկելու համար, ինչը նրանց համար դժվար է։ Մենք չենք ասում, որ ամեն քաղաքում պետք է ընտրատեղամասեր բացվեն։ Նրանք կարող են հետազոտություններ կատարել, ըստ թվի ընտրատեղամասեր բացել։ Իհարկե, նրանք չեն կարող ծածկել բոլորին, և ոչ ոք դա չի խնդրում, բայց արտագաղթածների համար ընտրություններին մասնակցության հնարավորությունը պետք է մեծացվի»,- ասել է Միխեիլ Դաուշվիլին։