Վրաստանի նախագահ Միքայել Կավելաշվիլին հանդիպել է Հայաստանում Հունգարիայի արտակարգ և լիազոր դեսպան Աննա Մարիա Շիկոյի հետ, որը Հայաստանում կատարում է դիվանագիտական առաքելություն։

Հրաժեշտի հանդիպման ընթացքում Միքայել Կավելաշվիլին շնորհակալություն է հայտնել դեսպանին՝ Հայաստանում իր հաջող գործունեության և Վրաստան-Հունգարիա սերտ գործընկերության զարգացման մեջ ունեցած կարևոր ներդրման համար։

Ինչպես նշել է Վրաստանի նախագահը հանդիպման ժամանակ, Հունգարիայի հստակ և վճռական աջակցությունը Վրաստանի առաջնահերթություններին, ինչպես նաև երկրի ազգային շահերի հանդեպ հարգանքը, երկու պետությունների միջև բացառիկ հարաբերությունների ևս մեկ վկայություն է։

«Մեզ համար չափազանց կարևոր է Վրաստանի և Հունգարիայի միջև փոխադարձ հարգանքի և ընդհանուր արժեքների վրա հիմնված սերտ բարեկամական հարաբերությունը։ Մենք գնահատում ենք ձեր ջանքերն ու կարևոր ներդրումը մեր երկրների միջև կապերի խորացման գործում», – հայտարարել է Միքայել Կավելաշվիլին։

Վրաստանի նախագահը հաջողություն է մաղթել դեսպանին հետագա գործունեության մեջ։

Հանդիպումը տեղի է ունեցել նախագահական պալատում։

Տեղեկությունը տարածում է Վրաստանի նախագահի ադմինիստրացիան։