Բոլորն իրավունք ունեն լքել խորհրդարանը, բայց ես չեմ կիսում Մամուկա Խազարաձեի որոշման կոռեկտությունը, քանի որ միջազգային գործընկերների այսքան ջանքերի և ընդդիմության կողմից խորհրդարան մտնելուց հետո ճիշտ չեմ համարում մանդատը թողնելը,- այս մասին հայտարարել է Լևան Իոսելիանին։

Նրա խոսքով՝ խորհրդարանը լավագույն տեղն է՝ խոսելու այն մասին, ինչը մտահոգում է քաղաքացիներին:

«Նա իր ճանապարհն ունի, և ես իրավունք չունեմ որևէ մեկի որոշումը հավանություն տալու կամ չհամաձայնելու։ Ընդհանրապես, ես կարծում եմ, որ երբ քեզ մանդատ են տալիս, պետք է օգտագործես քո ունեցած ժամանակը և պետք է ստեղծես օրակարգ, որը հուզում է քաղաքացիներին։ Բազմաթիվ խնդիրներ կան, որոնք պետք է լուծվեն այս խորհրդարանում։ Խորհրդարանը լավագույն տեղն է՝ խոսելու այն մասին, ինչը մտահոգում է քաղաքացիներին։ Ես չեմ կարողանում հասկանալ տրամաբանությունը, Մամուկա Խազարաձեն հեռանում է, իսկ նրա խմբակցությունը մնում է։ Խմբակցությունը քայքայվում է և վերածվում քաղաքական խմբի, ինչը ցավալի է, քանի որ խորհրդարանական կյանքը բազմազանության կարիք ունի»,- ասել է Լևան Իոսելիանին։

«Լելո» կուսակցության նախագահ Մամուկա Խազարաձեն երեկ կայացած հանրահավաքում հայտարարել է, որ լքում է Վրաստանի խորհրդարանը։