Վրաստանի Ներքին գործերի նախարարության տվյալներով՝ ապօրինի միգրացիայի դեմ պայքարի շրջանակում ՆԳՆ միգրացիայի դեպարտամենտի աշխատակիցներն իրականացրել են հատուկ ներգաղթի վերահսկողության միջոցառում։

Նախարարության հաղորդմամբ՝ ստացված տեղեկատվության հիման վրա դեպարտամենտի աշխատակիցները ստուգել են որոշակի վայրեր՝ նպատակ ունենալով հայտնաբերել օտարերկրյա քաղաքացիներին, որոնք Վրաստանում գտնվում են առանց օրինական հիմքի։

«Համակցված միջոցառման արդյունքում ձերբակալվել է ինը օտարերկրյա քաղաքացի։ Նրանց թվում են՝ Հնդկաստանի և Նեպալի քաղաքացիներ։ Հայտնաբերվել է, որ նրանք խախտել են Վրաստանի օրենքի «Օտարերկրացիների և քաղաքացիություն չունեցող անձանց իրավական կարգավիճակի մասին» դրույթները։

Ներկայումս նշված անձինք պահվում են Միգրացիայի դեպարտամենտի ժամանակավոր կացության կենտրոնում։ Կատարվում են համապատասխան գործընթացներ նրանց արտաքսելու նպատակով», – ասվում է ՆԳՆ-ի հաղորդագրությունում։