Թուրքիայի արտգործնախարար Մևլութ Չավուշօղլուն Հայաստանին կոչ է անում դադարեցնել սադրանքները և կենտրոնանալ խաղաղ բանակցությունների վրա։

Այս մասին Մևլութ Չավուշօղլուն գրել է «Թվիթեր»-ում:

«Ադրբեջան-Հայաստան պետական ​​սահմանին Հայաստանի սադրանքները քննարկել եմ եղբորս՝ Ադրբեջանի արտաքին գործերի նախարար Ջեյհուն Բայրամովի հետ։ Հայաստանը պետք է դադարեցնի սադրանքները և կենտրոնանա Ադրբեջանի հետ խաղաղ բանակցությունների և համագործակցության վրա»,- գրել է Չավուշօղլուն։

Հայաստանի և Ադրբեջանի սահմանին բախումները սկսվել են կեսգիշերին և շարունակվել ողջ գիշեր։ Կողմերը միմյանց պատասխանատու են համարում սրման համար: Հայաստանը մեղադրում է Ադրբեջանին բնակավայրերի և քաղաքացիական ենթակառուցվածքների վրա կրակ բացելու մեջ, ինչը ադրբեջանական կողմը հերքում է։ Ադրբեջանի պաշտպանության նախարարությունը Հայաստանի զինված ուժերի դիվերսիոն խմբերին մեղադրում է ադրբեջանական բանակի դիրքերի ուղղությամբ կրակ բացելու և սահմանամերձ շրջանները ականապատելու մեջ։