Մևլութ Չավուշօղլու. Հարավային Կովկասում մշտական խաղաղություն կարելի է ձեռք բերել միայն Հայաստանի և Ադրբեջանի միջև համապարփակ և մշտական խաղաղության համաձայնագրով
Թուրքիայի արտգործնախարար Մևլութ Չավուշօղլուն թուրքական լրատվամիջոցներին տված հարցազրույցում խոսել է Հայաստանի հետ հարաբերությունների կարգավորման գործընթացի մասին։
Չավուշօղլուի խոսքով՝ Թուրքիան փորձում է երկարաժամկետ խաղաղություն հաստատել Հարավային Կովկասում։
«Ադրբեջանի հաղթանակից հետո մենք քայլեր ենք ձեռնարկում Հարավային Կովկասում երկարաժամկետ խաղաղություն հաստատելու համար։ Օրինակ՝ դեպի Հայաստան թռիչքների վերականգնում և այլն։ Առևտրի ոլորտում որոշ քայլեր են ձեռնարկվել։ Իրատեսական մոտեցում չէ, որ այս գործընթացը, որը մենք վարում ենք, պետք է դիտարկել Ադրբեջանի և Հայաստանի միջև ընթացող գործընթացից առանձին։ Հարավային Կովկասում մշտական խաղաղություն կարելի է ձեռք բերել միայն Հայաստանի և Ադրբեջանի միջև համապարփակ և մշտական խաղաղության համաձայնագրի միջոցով։ Ադրբեջանն արել է այս առաջարկը, Հայաստանը չի արձագանքել։ Սահմանային հարցերով համատեղ հանձնաժողով է ստեղծվել, այս գործընթացը պետք է ավարտին հասցվի»,- ասել է Չավուշօղլուն։