Փոթորիկ «Քլաուդիայի» պատճառով Միացյալ Թագավորությունում և Իռլանդիայում արտակարգ իրավիճակ է հայտարարված։ Ինչպես հայտնում են սինոփտիկոսները, սպասվում են ուժգին տեղումներ և ջրհեղեղներ։ Այս մասին տեղեկացնում է «The Guardian»-ը։

Ուելսի բնական ռեսուրսների գործակալությունը ջրհեղեղի վտանգի վերաբերյալ լուրջ նախազգուշացում է տվել չորս շրջաններում, ինչը նշանակում է, որ քաղաքացիների կյանքին վտանգ է սպառնում։

Հարավային Ուելսում փրկարար խմբերը համագործակցում են ոստիկանության, շտապ օգնության, հրշեջ ծառայության և առափնյա պահպանության հետ՝ իրականացնելու տարհանում։

«Մեր թիմերը աշխատել են ամբողջ գիշեր և այսօր էլ շարունակում են օգնել տուժածներին», – նշել է հրշեջ ծառայության ներկայացուցիչը։

Փոթորիկը խնդիրներ է առաջացրել ինչպես երկաթուղային, այնպես էլ ավտոմոբիլային երթևեկության համար։ Իռլանդիայում հազարավոր տներ մնացել են առանց էլեկտրաէներգիայի։