Մեծ Բրիտանիայի արտաքին գործերի նախարարը զգուշացրել է Իսրայելին չհակադարձել՝ ճանաչելով Պաղեստինի պետականությունը և չանեքսիայի ենթարկելով Արևմտյան ափի որոշ հատվածներ։

Մեծ Բրիտանիայի արտաքին գործերի նախարար Իվետ Քուփերը BBC-ին տված հարցազրույցում ասել է.

«Մենք հստակեցրել ենք, որ մեր կայացրած որոշումը Իսրայելի և պաղեստինցիների անվտանգությունն ապահովելու լավագույն միջոցն է։ Այն վերաբերում է խաղաղությանը, արդարադատությանը և, ամենակարևորը, Մերձավոր Արևելքի անվտանգությանը։ Մենք ճանաչում ենք Իսրայելը՝ Իսրայել պետությունը։ Մենք պետք է նաև ճանաչենք պաղեստինցիների սեփական պետություն ունենալու իրավունքը», – ասել է Իվետ Քուփերը։

Ավելի վաղ Իսրայելի վարչապետ Բենիամին Նեթանյահուն դատապարտել է Պաղեստին պետությունը ճանաչելու որոշումը՝ մեղադրելով արևմտյան առաջնորդներին ահաբեկչությունը խրախուսելու մեջ և ասելով, որ պաղեստինյան պետություն չի լինի։

Պաղեստին պետությունը պաշտոնապես ճանաչվել է Մեծ Բրիտանիայի, Կանադայի, Ավստրալիայի և Պորտուգալիայի կողմից։ Միջազգային լրատվամիջոցների հաղորդագրությունների համաձայն՝ մոտ տասը երկիր նախատեսում է ճանաչել Պաղեստին պետությունը առաջիկա օրերին։