Մեր տեղեկություններով, մենք համոզիչ հաղթանակ ենք տանում նաև մեծամասնական ընտրատարածքներում,- այս մասին ճեպազրույցի ընթացքում հայտարարել է «Վրացական երազանքի» առաջնորդներից մեկը, Արչիլ Թալակվաձեն:

Նրա խոսքով, «Վրացական երազանքը» մեծամասնական թեկնածուներ է ներկայացրել փորձառու մարդկանց և սպասվում էր մեծ աջակցություն:

«Մեր տեղեկությամբ, որը մեզ տրամադրում են կուսակցական կազմակերպությունները, «Վրացական երազանքը» մեծ առավելություն ունի նաև մեծամասնական ընտրատարածքներում և մենք համոզիչ հաղթանակ ենք տանում: Սա նշանակում է, որ այն շատ մոտ է կուսակցության ստացած արդյունքին կամ որոշ ընտրատարածքներում մի փոքր ավելի ունենք: Դա կախված էր նրանից, թե որքանով էր դրական քարոզարշավը: «Վրացական երազանքն» այս տարի մեծամասնական ընտրություններում առաջադրեց շատ փորձառու, հաջողակ մարդկանց, և մենք ակնկալում էինք, որ այդպիսի աջակցություն կունենանք»,- հայտարարել է Թալակվաձեն: