Հաշտեցման և քաղաքացիական հավասարության հարցերով պետնախարարի տեղակալ, Լիա Գիգաուրին հայտարարում է, որ աբխազական հասարակության հետ համագործակցությունը վստահության վերականգնման և հաշտեցման ուղղությամբ կշարունակվի, այնպիսի կարևոր նախագծերի միջոցով, ինչպիսիք են «Քայլ դեպի լավագույն ապագան»:

Նրա խոսքով, նշված նախաձեռնությունը ծառայում է պատերազմի արդյունքում բաժանված հասարակությունների մերձեցմանը:

«Բաժանարար գծերի երկայնքով առևտրի խրախուսելը կառավարության խաղաղարար նախաձեռնության – «Քայլ դեպի լավագույն ապագայի» հիմնական ուղղություններից մեկն է, որը հաստատվել է 2018 թվականին և աջակցվել է ինչպես տեղական, քաղաքական և քաղաքացիական հասարակության, այնպես էլ միջազգային հանրության կողմից: Այս նախաձեռնությունը ծառայում է պատերազմի պատճառով բաժանված հասարակություններին մերձեցմանը և նրանց բարեկեցությանը», – ասել է Գիգաուրին:

Ըստ նրա, «Քայլ դեպի լավագույն ապագա» նախաձեռնությունը ապաքաղաքական նախագիծ է, որն ուղղված է բաժանարար գծի երկայնքով առևտրատնտեսական հարաբերությունների ամրապնդմանը:

«Այս նախագիծը զուտ ապաքաղաքական է և ոչ մի կապ չունի դե ֆակտո ինստիտուտների ամրապնդման հետ: Դրա միակ նպատակը բաժանարար գծի երկայնքով առևտրատնտեսական հարաբերությունների ամրապնդումն է: Այդ նպատակով ձեռնարկվել են գործնական քայլեր: Ստեղծվել է համապատասխան իրավական դաշտ, իրականացվել են մի շարք կարևոր ծրագրեր, այդ թվում ՝ խաղաղության հիմնադրամի ստեղծումը, որը ֆինանսավորում է տարբեր բիզնեսներ և առևտրային ծրագրեր միջազգային դրամաշնորհների միջոցով և խթանում առևտրատնտեսական կապերը բաժանված գծի երկու կողմերում, ինչը, անշուշտ, ծառայում է բնակչության բարեկեցությանը: Կարևոր է, որ մենք շարունակենք մեր համագործակցությունը աբխազական հասարակության հետ` նմանատիպ նախագծերի միջոցով», – հայտարարել է Գիգաուրին:

Բռնազավթված Աբխազիայի այսպես կոչված անվտանգության խորհրդի քարտուղար, Սերգեյ Շամբան այսօր հայտարարել է, որ Վրաստանի իշխանությունների հետ երկխոսությունն անհրաժեշտ է: Նրա խոսքով, քանի որ հիմա ոչ ոք պատերազմ չի ուզում, մնում է միայն երկխոսության հնարավորությունը: