Թող իմ որդին լինի զոհ, որպեսզը վաղը նույնը տեղի չունենա, երիտասարդների սպանությունը, մեր ապագա սերնդի ոչնչացումն է,- այս մասին հայտարարել է Խորավայի փողոցում սպանված դեռահաս Դավիթ Սարալիձեի հայրը, Զազա Սարալիձեն՝ Ռուսթավելու պողոտայում ընթացող ակցիային:
Զազա Սարալիձեն դիմել է ակցիային հավաքվածներին, երիտասարդներին չտալ արյուն հեղելու իրավունք:
«Մեր երեխաներին չտանք իրավունք, որպեսզի արյուն հեղեն: Միասին լինենք, միավորվենք, որպեսզի արդարուփյունը հաղթի»,- նշել է Սարալիձեն:
Թբիլիսիում, Խորավայի փողոցում սպանված դեռահասներից մեկի, Սարալիձեի հոր նախաձեռնությամբ խորհրդարանի դիմաց անցկացվել է #ինձչսպանես կարգախոսով ակցիա:
Զազա Սարալիձեն պահանջyl է Խորավայի փողոցում տեղի ունեցած սպանության արդար հետաքննություն:
Ակցիայի մասնակիցների խոսքով, նրանց գլխավոր պահանջն էր՝ պատժել բոլոր անձանց, ովքեր եղել են սպանության կազմակերպիչնըր, ինչպես նաև նրանց հայտարարությամբ, պետք է պատժվեն նաև սպանությունը թաքցնողները:
Ակցիային է միացել է նաև Պանկիսիի կիրճի հատուկ գործողության ժամանակ սպանված Թեմիրլան Մաչալիկաշվիլու հայրը:
Բողոքի ցույցին էին գտնվում քաղաքական տարբեր կուսակցությունների ներկայացուցիչներ, նաև նախկին ժողովրդական պաշտպան Ուչա Նանուաշվիլին:
