Մենք ուշադիր հետևում ենք Վրաստանի ներքաղաքական գործընթացներին, ներառյալ բևեռացումը, այն փաստը, որ վերջին վեց ամիսների ընթացքում ընդունված որոշ որոշումներ, ինչպես օրինակ՝ կառավարության որոշումը՝ դուրս գալ ապրիլի 19-ի համաձայնագրից, մտահոգությամբ են ընկալվել,- այս մասին հայտարարել է Հարավային Կովկասի և Կենտրոնական Ասիայի հարցերով հատուկ բանագնաց Խավյեր Կոլոմինան:

«ՆԱՏՕ-ն քաղաքական և ռազմական կազմակերպություն է, բայց ՆԱՏՕ-ի հիմնադրման նախաբանը՝ Վաշինգտոնյան համաձայնագիրը, ներառում է այս արժեքները, ժողովրդավարությունը և մարդու իրավունքները, դրանք հիմնարար խնդիրներ են։ ՆԱՏՕ-ի ընդլայնման քաղաքականությունն ուղղված է ժողովրդավարության և օրենքի գերակայության ամրապնդմանը, հատկապես նախկին Վարշավայի պայմանագրի երկրներում, և վերջին 20 տարիների ընթացքում ՆԱՏՕ-ին անդամակցության հեռանկարն օգտագործվել է արագացնելու բարեփոխումները, որոնք մենք պահանջում էինք այդ երկրներից: Դա շատ դրական արագացուցիչ ու նախաձեռնություն էր այն երկրների համար, որոնք ցանկանում էին անդամակցել ՆԱՏՕ-ին։ Դա հսկայական ներդրում է ունեցել Եվրոպայի կայունության և բարգավաճման գործում»,- ասել է Խավյեր Կոլոմինան։

Նրա խոսքով, դաշնակիցներն ուշադրությամբ հետևում են ՆԱՏՕ-ի հավակնորդ Վրաստանի կողմից անցած բարեփոխումներին։

«Մենք ունենք փաստաթուղթ, որը քաղաքական է։ Սա կոչվում է տարեկան ազգային ծրագիր, որը ներառում է քաղաքականության բոլոր տարրերը: Մենք շատ բաց ենք մեր ընկերների հետ հարաբերություններում և ուշադիր հետևում ենք Վրաստանի ներքաղաքական գործընթացներին, ներառյալ բևեռացումը, այն, որ վերջին վեց ամսում ընդունված որոշ որոշումներ, օրինակ՝ ապրիլի 19-ի համաձայնագրից դուրս գալու կառավարության որոշումը մտահոգությամբ է ընկալվել: Ավելի շատ ջանքեր են անհրաժեշտ նաև արդարադատության բարեփոխումների, լրատվամիջոցների ազատության և անվտանգության ծառայությունների պատասխանատվության ուղղությամբ», – ասել է Կոլոմինան:

Նրա խոսքով՝ ՆԱՏՕ-ն ուշադիր հետևում է Վրաստանում տիրող իրավիճակին։

«Վերջապես մենք տեսնում ենք, որ ՆԱՏՕ-ի հետ ինտեգրման գործընթացն իսկապես բարդ է բոլոր գործընկերների համար։ Բևեռացված քաղաքական միջավայրը կարող է խանգարել կառավարությանը անհրաժեշտ բարեփոխումներ իրականացնել։ Մենք ուշադիր հետևում ենք իրավիճակին և աջակցում ենք ջանքերին որքան կարող ենք: Այդ իսկ պատճառով մենք սերտ հարաբերություններ ենք պահպանում Վրաստանի կառավարության հետ։ Անցյալ շաբաթ հանդիպել եմ Վրաստանի արտգործնախարար Դավիթ Զալկալիանիի և փոխարտգործնախարար Լաշա Դարսալիայի հետ և զրուցել այս հարցերի շուրջ։ Մենք ոչինչ չենք թաքցնում մեր վրացի ընկերներից, ընդհակառակը, մենք բացահայտ խոսում ենք այդ մասին։ Մենք ակնկալում ենք, որ Վրաստանի կառավարությունն այնպիսի առաջընթաց կունենա, որը մենք ցանկանում ենք տեսնել: Սա հիմնարար խնդիր է։ Սա հիմնարար խնդիր է ՆԱՏՕ-ի 2030-ի համար, դա կլինի հիմնարար խնդիր նոր ռազմավարական հայեցակարգի համար»,- ասել է Խավյեր Կոլոմինան։