Մեկնարկել է ՆԱՏՕ-ի գլխավոր քարտուղար Ենս Ստոլտենբերգի այցը Վրաստան։
Ինքնաթիռը վայրէջք է կատարել Թբիլիսիի միջազգային օդանավակայանում րոպեներ առաջ։ Ստոլտենբերգը Թբիլիսի է ժամանել Ադրբեջանից։
Ենս Ստոլտենբերգին Թբիլիսիի միջազգային օդանավակայանում դիմավորել են Վրաստանի արտաքին գործերի նախարար Իլիա Դարչիաշվիլին և ՆԱՏՕ-ում Վրաստանի դեսպան Վիկտոր Դոլիձեն։
Նախատեսվում են Ստոլտենբերգի հանդիպումները Վրաստանի նախագահ Սալոմե Զուրաբիշվիլիի և վարչապետ Իրակլի Կոբախիձեի հետ։
Իրակլի Կոբախիձեի հետ հանդիպումից հետո վարչապետն ու գլխավոր քարտուղարը հայտարարություններ կանեն լրատվամիջոցների համար։
ՆԱՏՕ-ի գլխավոր քարտուղարը Վրաստանից Երեւան կմեկնի մարտի 19-ին։